KÍ yvirhálaði Víking - NSÍ í steypafinaluni

Bestu kvinnurnar hjá KÍ vunnu í kvøld á Víkingi í Sarpugerði og liggja nú á 2. plássið í ovara endaspælinum við eins nógvum stigum og NSÍ.

Eyðvør Klakstein legði KÍ framum í fyrra hálvleiki, og eftir steðgin økti Tóra Mohr til 2-0, áðrenn støðan gjørdist 3-0 eftir sjálvmál frá heimaliðnum í 65. minutti.

KÍ hevur nú 40 stig, meðan Víkingur framvegis hevur 37. NSÍ er fremst - eisini við 40 stigum - men við nógv best málúrtøku. HB er nummar fýra við 27 stigum.

NSÍ í steypafinaluna

Runavíkingar vunnu heili 7-1 á HB í seinnu hálvfinaluni í steypakappingini, og tryggjaðu sær finaluplássið ímóti Víkingi á Tórsvølli 5. oktober.

Heidi Sevdal (3), Julia Naomi Mortesen (2) og Lena Olsen skutu málini við Løkin. NSÍ vann fyrru hálvfinaluna 5-1, og tí var dysturin hóskvøldið meir ella minni ein avgreiðsluspurningur.