Løgtingið endaliga samtykt at yvirtaka Íleggingargrunnin

Løgtingið hevur endaliga samtykt at yvirtaka Íleggingargrunnin.

Við triðju viðgerð var uppskotið hjá landsstýrinum einmælt samtykt. Øll 28, sum vóru í tingsalinum, atkvøddu fyri.

Yvirtøkan verður 1. januar 2025.

Síðani miðskeiðis í 70árunum hava føroyingar umsitið Íleggingargrunnin við einum stýri, har landsstýrið tilnevnir formannin ella forkvinnuna og limirnar í stýrinum, og ásetir nærri reglur um, hvussu grunnurin skal rekast.

653 mió. í grunninum 

Einki verður sagt um, hvussu pengarnir í grunninum skulu brúkast, tá hann er yvirtikin.

Galdandi lóggáva um grunnin verður verandi í gildi, til føroyskir myndugleikar vilja broyta ella avtaka hana. 

Tað merkir eisini, at verandi stýri verður sitandi.

Ogn grunsins er 653 mió. kr.