Eystari landsrættur taka støðu um heimild

Tá Føroya rættur í farna mánaði fyribils steðgaði einari avgerð at senda ein 15 ára gamlan drong á stovn í Danmark, skapti tað eitt nýtt fyridømi. 

Tað metir Annfinn V. Hansen, advokatur, sum vegna Føroya Kærustovn hevur søkt Processbevillingsnævnet um at royna tann partin av málinum í Eystara landsrætti, sum kann skapa fyridømi fyri onnur líknandi mál. 

- Eg havi spurt, um Føroya rættur hevur rætt at freista avgerðina ella ikki. Og tað merkir, at onki skal henda, fyrr enn Føroya rættur hevur tikið málið til viðgerðar, sigur hann.

- Higartil hevur tað verið fatanin hjá bæði myndugleika og rættinum, at tað ikki hevur verið heimild at steðga einum máli. Nú sigur Føroya so, at heimildin er har. Barnaverndarlógin sigur, at hetta ikki ber til. Tað hevur týdning fyri onnur mál, um tað er so hóast alt.

Málið er prinsipielt fyri onnur mál, men tað fær ikki nakran týdning fyri ítøkiliga málið við 15 ára gamla dronginum, sigur Annfinn V. Hansen.

Hoyr innslagið við Annfinn V. Hansen í útvarpstíðindunum kl. 18.00