Beinleiðis flogsamband millum New York og Nuuk

Næsta summar verður beinleiðis flúgving millum New York og Nuuk.

Amerikanska flogfelagið United, sum er størsta flogfelag í heiminum, hevur boðað frá, at frá 14. juni næsta ár verður flogið millum New York og Nuuk tvær ferðir um vikuna.

Á tann hátt fáa fólk í Grønlandi møguleika at fara úr New York til tey 147 støðini, United flýgur til, sigur felagið.

United flýgur 800 ferðir um dagin úr New York.

Flogferðin millum New York og Nuuk tekur fýra tímar.