Svenskir miðlar: Mbappé partur av neyðtøkumáli

Svenskir fjølmiðlar vilja vera við, at liðskiparin á franska fótbóltslandsliðnum, Kylian Mbappé, er partur av neyðtøkumáli í Stokkhólmi.

Svenski ákærumyndugleikin váttar, at hann kannar eitt mál um neyðtøku á einum hotelli í Stokkhólmi í síðstu viku.

Tað var í síðstu viku, at franska fótbóltsstjørnan og vinir hansara vitjaðu svenska høvuðsstaðin í tveir dagar.

Aftonbladet og Expressen vilja vera við, at tað er Mbappé sjálvur, sum verður kannaður fyri neyðtøkuna á hotellinum.

Hetta er kortini ikki váttað av løgregluni.

- Eg viðmerki einki um ítøkiliga málið, sigur Marina Charikova, ákæri, við Aftonblandet.

Kylian Mbappé skrivar á sosiala miðlinum X, at talan er um falstíðindi.