Høgni Hoydal á NATO-fundi

Høgni Hoydal, landsstýrismaður í uttanríkismálum, er í dag á fundi saman við verjumálaráðharrum í NATO.

Verjumálaráðharrarnir í øllum NATO-londunum hittast í Brússel í dag, og Føroyar eru umboðaðar á hesum eina fundinum, sum snýr seg um verju av arktiska økinum, ella Norðurøkinum, sum tað eisini verður kallað.

Við á hesum fundinum eru øll Norðurlondini umframt USA og Kanada, og so eru Føroyar og Grønland eisini umboðað.

Tað er Kanada, sum - í samráði við Danmark - hevur boðið Føroyum og Grønlandi við á fundin, sum byrjaði fyrrapartin.

Fyri tveimum vikum síðan var Høgni Hoydal í Kanada, har hann hitti uttanríkisráðharrar úr ymsum NATO-londum. Hesin fundurin var tó ikki fyriskipaður av NATO, men áhugamálini eru tey somu.

Meiri verður at frætta í tíðindasendingini í kvøld