Andstøðan kemur við einum misáliti á Ingilín D. Strøm

- Eg haldi ikki, at her er so nógv at koma eftir hjá einum kanningarstjóra. Málið er væl lýst, alt er niðurskrivað; orðini, sum eru søgd í Løgtinginum, tað er væl og virðiliga viðgjørt í Landsstýrismálanevndini eisini, so hjá mær er eingin ivi um, at málið vendir akkurát, sum tað gjørdi, tá niðurstøðan kom seinast hjá landsstýrismálanevndini.

Tað segði Bárður á Steig Nielsen, formaður í Sambandsflokkinum og andstøðuumboð í Landsstýrismálanevndini, tá fundurin í nevndini var liðugur seinnapartin. 

Fundurin endaði við, at nevndin fór í tvíningar, og andstøðuumboðið kom nú í minniluta, nú meirilutin vil hava ein kanningarstjóra at kanna, um Ingilín D. Strøm, landsstýriskvinna, hevur brotið lógina um ábyrgd landsstýrisins, tá hon úttalaði seg um haldførið hjá Bústøðum.

Hoyr alt innslagið frá tíðindasendingini á nátturða í kvøld: