Virðislønir Norðurlandaráðsins handaðar í kvøld

Í ár verða virðislønir Norðurlandaráðsins handaðar á tiltaki í Reykjavík.

Tær verða latnar innan fyri bókmentir, barna- og ungdómsbókmentir, film, tónleik og umhvørvi. 

Handanin verður send í sjónvarpinum í kvøld klokkan 20.40 og á KVF Sjón her á heimasíðuni. 

Føroyingar, sum eru í uppskoti til ársins virðislønir Norðurlandaráðsins, eru hesir: 

• Henning Larsen Arkitektar eru innstillaðir til umhvørvisvirðislønina fyri nýggja róðrarneystið í Klaksvík
• Rakel Helmsdal er innstilla til barna- og ungdómsbókmentavirðislønina fyri bókina "Toran gongur", sum Bókadeild Føroya Lærarafelags gav út í 2023.
• Kim Simonsen er innstillaður til bókmentavirðislønina fyri yrkingasavnið "Lívfrøðiliga samansetingin í einum dropa av havvatni minnir um blóðið í mínum æðrum", ið Verksmiðjan gav út í 2023.
• Tróndur Bogason er innstillaður til tónleikavirðislønina fyri verkið "Symphony no. 1 & Sólárið" frá 2024.

Eingin føroyskur filmur er útgivin seinasta árið, og tí er eingin føroyskur filmur í uppskotið til filmsvirðisløn Norðurlandaráðsins. Tað er grønlendski heimindarfilmurin "Twice Colonized" hinvegin.