Á Breddanum: Rúsevni og politiska støðan

Í gjár legði Ingilín D. Strøm frá sær um landsstýriskvinna í umhvørvismálum. Tað gjørdi hon, tá tað var greitt, at tveir samgongufelagar í Tjóðveldi fóru at atkvøða fyri uppskotinum um misálit.

Í sendingini tosa vit við Liljuna Weihe og Erling Eidesgaard. 

Rúsevni floyma inn í landið sum ongantíð fyrr.

Tað staðfestir Heri Andreassen, varapolitiinspektørur og leiðari á kanningardeildini hjá løgregluni, í sambandi við enn eitt rúsevnismál.

Politiið og tollvaldið hava seinastu tvey árini funnið metstórar nøgdir av rúsevnum. Í sama tíðarskeiði hevur ein heildarætlan við 58 tilmælum um at fyribyrgja og tálma rúsevnismisnýtslu ligið mest sum órørd.

Í dag spyrja vit um vaksandi nýtsluna av rúsevnum, hvussu vit megna at lofta hesum trupulleikanum, og hvat kann gerast frameftir. 

Breddin í útvarpinum klokkan 10 og á kvf.fo.