U19-menninir ov stuttir

Føroyingarnir løgdu væl frá landi og vunnu fyrsta sett 25-19, men síðani rendu teir seg í tepra mótgongd og máttu lúta næstu trý settini.

Fyrst 23-25 í øðrum setti, so 25-27 í triðja setti og at enda 24-26 í fjórða setti, so nógv javnari fekk tað illa verið.

Sostatt søgdu onglendingar takk fyri síðst, tí innleiðandi vunnu Føroyar 3-1 á Onglandi, og tí mugu Føroyar taka til takkar við fjórða plássi.

Svøríki og Danmark spæla finaluna í NEVZA-kappingini klokkan 17, og hon verður í ítróttarhøllini á Hálsi í Havn.

Kvinnurnar ikki víðari
Føroysku U19-kvinnurnar rendu seg í innleiðandi bólkinum í tvey av stinnastu liðini í kappingini, Norra og Danmark.

Men í dystunum, sum vóru fríggjadagin, máttu føroysku kvinnurnar í báðum førum lúta 0-3 og komu tí ikki víðari.