Qatar tveitir Hamas út

Tað er USA, sum hevur lagt trýst á Qatar, so landið ikki longur kann hýsa ovastu Hamas-leiðarunum, skrivar ísraelska avísin Israel Hayom.

Orsøkin til trýstið er, at Hamas-leiðlan hevur noktað eina partvísa avtalu um leyslating av gíslum og fyribils vápnahvíld í Gaza.

Qatar er av oljuríkastu londum og hevur sterk bond til bæði Iran og vesturheimin, og hevur fleiri ferðir verið við til at mekla millum Ísrael og palestinar.

Ovastu Hamas-leiðararnir hava búð í Qatar, síðani teir rýmdu úr Sýria í 2012, tá ið kríggj brast á har.

Israel Hayom veit frá politiskum eygleiðarum at siga, at Hamas-leiðslan heldur flytur til Turkalands, har fleiri teirra longu fóru eftir palestinsku yvirgangsatsóknina í Ísrael 7. oktobur í fjør.