Caption:
Arnfinn Langgaard, Jóhan Vest, John Andersen, Pauli Poulsen, Jógvan Andersen, Tórbjørn Jacobsen, Sæunn Lamhauge Nolsøe, Terje Beinar Vestergaard, Tóri Højgaard, Sigrun Jónsveinsdóttir, Petur Hansen og Bogi Hansen
- Tíðindi, mentan og ítróttur
Runavíkar býráð skipað seg
Runavíkar býráð skipað seg
Borgarstjórin í Runavík síðstu níggju árini, Tórbjørn Jacobsen, heldur fram í sessinum næstu fýra árini, og nýggjur varaborgarstjóri er Tóri Højgaard.
Tóri Højgaard, varaborgarstjóri, og Tórbjørn Jacobsen, borgarstjóri í Runavíkar kommunu
Mynd: Hilmar Jan Hansen
16.11.2024 - 18:47
Tað varð einmælt samtykt, tá ið nýggja býráðið í triðstørstu kommunu í landinum hevði sín fyrsta fund í býráðssalinum, sum er gamli skúlin á Glyvrum.
Hølini vóru fullsett og væl tað, tá ið veljast skuldu borgarstjóri og varaborgarstjóri, umframt tær føstu nevndirnar í býráðnum.
Føstu nevndirnar, sum vórðu einmælt valdar á stutta fundinum í dag, eru fíggjarnevndin, tøkni- og umhvørvisnevndin, vinnunevndin, havnanevndin, trivnaðarnevndin, mentanarnevndin, ítróttarnevndin og byggi- og býarskipanarnevndin.
Einasta nýggja har er, at tað, sum fyrr var vinnu- og havnanevndin, nú eru tvær sjálvstøðugar nevndir.
Umframt Tórbjørn Jacobsen og Tóra Højgaard eru býráðslimirnir í Runavíkar býráð Sigrun Jónsveinsdóttir, Jógvan Andersen, Arnfinn Langgaard, Petur Hansen, John Andersen, Bogi Hansen, Pauli Poulsen, Terje Beinar Vestergaard og Jóhan Vest.
Her kann hoyrast samrøða við varaborgarstjóran og borgarstjóran:
2024-11-16-Runavikar-byrad
Er kopiera
Nýggjastu sendingar í ÚV
Nýggjastu sendingar í SV
