Vápnahvíld í Libanon

Vápnahvíld í Libanon
Ísraelska stjórnin hevur góðtikið vápnahvíld við Hezbollah í Libanon, tað skrivar Reuters, sum hevur tíðindini frá ísraelsku sjónvarpsrásini Channel 12
Ísraelska stjórnin hevur góðtikið vápnahvíld við Hezbollah í Libanon
Mynd: Ibrahim Amro/AFP/Ritzau Scanpix  
 
26.11.2024 - 18:29

Vápnahvíldin kemur í gildi í morgin.

USA og Frakland hava snikkað uppskotið saman.

Avgerðin varð tikin á fundi í trygdarráðnum í dag, og Benjamin Netanyahu kunngjørdi niðurstøðuna fyri løtu síðani. 

Netanyahu sigur millum annað, at tað er málið hjá ísraelsku stjórnini at tryggja, at íbúgvarnir í Norðurísrael kunnu venda heim aftur.

Túsundtals ísraelar í Norðurísrael eru flýddir heimanífrá orsakað av krígnum í Gasa og rakettálopinum hjá Hezbollah móti Norðurísrael.

 

60 daga skiftistíð

Sambært uppskotinum til avtaluna um vápnahvíld er talan um 60 daga skiftistíð, har ísraelskar deildir skulu fara úr Suðurlibanon.

Hezbollah-herurin skal taka seg aftur frá ísraelska markinum og flyta tung vápn norður um Litani-ánna, - sambært ST-samtykt nr. 1701. 

Samtyktin endaði kríggið millum Ísrael og Hezbollah í 2006, men er ongantíð fylgd.

Libanski stjórnarherurin og ST-friðarvarðveitandi Unifil-deildin skal síðani vera á varðhaldið á markinum, stendur í ST-samtyktini. 

 

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Guðstænasta út Gøtu kirkju
216780
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Nýggjastu sendingar í SV
Sunnudag 22. november
Andaktin
216792
Sunnudag 22. november
Guðstænasta úr Gøtu kirkju
216793
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688