Bjarni Johansen: Eg visti av ongum

- Eg visti ikki av hesum. 

Tað sigur Bjarni Johansen, sum heldur fram sum borgarstjóri í Vágs kommunu næstu fýra árini. 

Tá  nýggjur meiriluti skuldi skipast á býráðsfundinum í gjárkvøldið við Arna D. Brattaberg sum borgarstjóra og Bjarna Johansen, uttanflokkamanni, sum varaborgarstjóra, skutu umboðini fyri Javnaðarflokkin og Sambandsflokkin upp at velja Bjarna Johansen til borgarstjóra.

Hetta var óvæntað, sigur Bjarni Johansen, sum eftir at hava hugsað seg um, atkvøddi fyri uppskotinum um, at hann skuldi vera borgarstjóri.

Hoyr innslag í útvarstíðindunum: 

Arni D. Brattaberg, Arni Brattaberg

Arni D. Brattaberg. (Privatrmynd)

Orkar ikki at tosa um tað

Arni D. Brattaberg vil ikki gera samrøðu, men sigur um tað, sum hendi í gjárkvøldið:

- Eg eri so vónbrotin, at eg orki ikki at tosa um tað. Vit møttust hálvan tíma fyri býráðsfundin og skrivaðu undir semjuskjal. Eg helt, at tað var bindandi. Á býráðsfundinum kemur so uppskot um at velja Bjarna Johansen til borgarstjóra. Tað kom sera óvart á. Eg vildi hava breiða samgongu, men Bjarni fór við hinum, sigur Arni D. Brattaberg.

Spurdur, um hann kundi gjørt nakað øðrvísi, svarar Arni Brattaberg, at Levi Mørk beyð sær fyri trimum vikum síðani borgarstjórasessin.

- Men eg tók ikki av, og tað iðri eg meg um, sigur Arni D Brattaberg.