Fimmtiára dagur á Argjum

Sunnudagin verður Kirkju- og missiónshúsið á Argjum 50 ár.

Argja kirkju- og missiónshús heldur dagin við gudstænastu kl.11.00.

Uni Næs, dómpróstur, prædikar, og prestarnir í Suðurstreymoyar vestara prestagjaldi eru við. 

Kvinnukórið á Argjum, Tabitha, syngur.

Alfred Hansen, klokkari, og Gunnar Reynslág, deknur, hava verið kirkjutænarar frá fyrsta degi.

Teir vera eisini kirkjutænarar sunnudagin.

Ari Hammer Joensen spælir urgu.

Beint eftir gudstænastuna eru øll boðin til døgurða í neystinum hjá Argja Róðrarfelagi. 

Har syngur argjamaðurin Bárður Johannesen og ein annar argjamaður, Eyðun á Borg, hugleiðir um heimbygdina. 

Ein bóklingur um søguna hjá Kirkju- og missiónshúsinum, sum Gunnar Reynslág hevur lagt til rættis, kemur sunnudagin.