Skrúva fyri vatninum um náttina

Rørini til reinsiverkið á Stykkinum eru fryst, og tí hevur verið neyðugt at fingið sløkkiliðsbilin at pumpa vatn úr Breiðá á Stykkinum og niðan í brunnin.

Hetta ber bara til at gera í nakrar tímar, tí slangurnar frysta, sigur Kvívíkar kommuna.

Tí hevur verið heitt á fólk á Stykkinum í fyrsta lagi um at spara upp á vatnið og í øðrum lagi at kóka tað.

Kommunan skrúvar nú fyri vatninum um næturnar, so leingi sum frost er, og fyrstu ferð var frá á midnátt til klokkan sjey í morgun.

Gerandisdagar verður skrúvað fyri frá á midnátt til klokkan sjey um morgunin.