Fleirfalda framleiðsluna av rognum

Í løtuni gongur lívfiskur hjá Bakkafrosti á lívfiskastøðunum hjá Firum í Skopun og við Áir. Hesar støðirnar hevur Bakkafrost leigað seinastu seks árini, men hevur ætlanir um at keypa báðar støðirnar og samstundis fara undir eina dagføring av báðum.

Regin Jacobsen, stjóri á Bakkafrosti, sigur, at á verandi støðum framleiðir Bakkafrost umleið 20 milliónir rogn, men ætlanin er at menna hesa framleiðslu, so framleiðast kunnu millum 50 og 70 milliónir rogn.