KT-felagið: Týdning at brúka føroyskar veitarar

Tað hevur stóran týdning, at føroyskir veitarar verða brúktir, nú farast skal víðari við talgildingini av samfelagnum. Millum annað fyri at fáa tær skipanir, sum hóska best til føroyska samfelagið. 

Tað sigur KT-felagið í sínum hoyringarskrivi til lógaruppskotið um Talgildu Føroyar 2.0.

Í hoyringarsvarinum hjá KT-felagnum verður eisini víst á týdningin av, at p-talið verður leysgivið, soleiðis at ikki bara almennar, men eisini privatar fyritøkur kunnu brúka tað til skráseting.

Og KT-felagið mælir eisini til, at eitt brúkararáð verður sett á stovn fyri Talgildu Føroyar 2.0.

Hoyr innslag í útvarpstíðindunum: 

Uppskotið um løgtingslóg um Talgildu Føroyar 2.0 er framhald av heildarætlanini fyri 2016 til 2020 um Talgildu Føroyar.

Talgildu Føroyar 2.0 fevna um árini frá 2025 til 2027.