Matvøruprísirnir hækkaðir meira enn 22 prosent seinastu trý árini

Prísirnir á matvørum eru hækkaðir meira enn 20 prosen seinastu trý árini.  

Orsøkin til stóra prísvøksturin kemur uttaneftir, sigur Kappingareftirlitið, sum hevur kannað matvøruprísirnar.

“Slíkur prísvøkstur hevur ikki verið at sæð í nýggjari tíð”, staðfestir Kappingareftirlitið í eini kanningini.

Prísvøksturin er tvífalt so stórur seinastu trý árini, sum hann var tilsamans fyri tíðarskeiðið 2009 til 2022. 

Les kanningina her.

Einki bendir á, at matvøruvinnan í Føroyum hækkaði sín egna vinning av matvørum í sambandi við koronufarsóttina í 2020, ella kríggið í Ukraina í 2022, slær Kappingareftirlitið fast. 

Prísirnir eru hækkaðir mest á frukt og grønmeti, og síðani koma kjøtvørur og kornvørur, sum t.d breyð. 

Hoyr innslag í útvarpstíðindunum: 

Kappingareftirlitið fer at gera neyvari kanningar og taka aðrar húsarhaldsvørur við í kanningina.