Ákæruvaldið krevur harðar revsingar í stóra rúsevnamálinum

Hesa vikuna hevur Hotel Hafnia verið karmur um eitt av teimum størstu rúsevnamálunum í Føroyum yvirhøvur. 

Avhoyringar hava verið fyrr í vikuni og dagurin í dag og dagurin í morgin eru settir av til framløgur.  Í dag legði ákæruvaldið fram krøvini um revsing til tey seks fólkini, og ákæruvaldið kravdi sera harða revsing. 

Høvuðsbakmaðurin skal hava millum 12 og 14 ár, høvuðsmaðurin á ferðini skal hava millum tíggju og 12 ár, hin bakmaðurin skal hava millum níggju og 12 ár, skiparin skal hava millum níggju og 11 ár, tann eldra konan á ferðini skal hava millum átta og tíggju ár og einsamalli føroyingurin skal, um ákæruvaldið fær sín vilja, hava millum níggju og 11 ár í fongsli. 

Revsingarnar í føroyskum rúsenvismálum eru  ofta nógv harðari enn í donskum málum av sama slagi, men sambært verjanum hjá føroyingum eru hesi krøvini alt ov hørð. Serliga tá hugt verður eftir, hvussu stóran leiklut føroyingurin sambært verjanum hevur spælt í málinum. 

Hoyr alt innslagið, sum varð sent í tíðindunum í kvøld.