Krafta skjótt til reiðar við oljutangum á Hulki

Tangarnir, sum eru 17 metrar høgir, taka 2500 rúmmetrar av olju og viga um 57 tons hvør.

Í eina tíð hava tangarnir staðið í Hirtshals, meðan bíðað hevur verið eftir góðum veðurlíkindum at flyta teir allan vegin til Føroya.

Økið, har tangarnir skulu standa, er ikki heilt liðugt enn, men um tvær ella tríggjar vikur verða tangarnir helst settir á økið.

Rói Kalsø og Leif Hovgaard, sum eru ávikavist stjóri og sølustjóri í Krafta Energy, stovnaðu í fjør felagið saman við Smyril Line, JFK, Framherji og FARCOD.

Á heysti í fjør greiddi Rói Kalsø soleiðis frá í útvarpinum, hví hetta felagið nú kemur á føroyska marknaðin, har Effo og Magn eru frammanundan: