Anna Falkenberg næstforkvinna í Sambandsflokkinum

Hetta er ikki ein beinleiðis ábending um, at hon er á veg inn í føroyskan politikk. Hon situr í Fólkatinginum og fer at hjálpa til í samband við løgtingsval og  fólkatingsval í næsta ár. Tað sigur Anna Falkenberg í samrøðu við Kringvarpið, stutt eftir at hon varð vald til næstforkvinnu.

Valið stóð ímillum Annu Falkenberg, sum fekk 20 atkvøður og nú fyrrverandi næstformannin Helga Abrahamsen, sum fekk 16 atkvøður.