Tveir minuttir í dreymalandi

Tveir minuttir í dreymalandi
Tá Gunnar Vatnhamar javnaði við sjey minuttum eftir av vanligu leiktíðini, sóu nógv javnleik ímóti Kekkia fyri sær, men Føroyar fingu bert tveir minuttir í dreymalandi
Gleðin var stór, tá Gunnar Vatnhamar javnaði stutt fyri leiklok, men dysturin endaði kortini við vónbroti
 
22.03.2025 - 22:13

Tveir minuttir í dreymalandi.

Tað fingu føroyingarnir í fyrsta HM-undankappingardystinum ímóti Kekkia leygarkvøldið.

Sjey minuttir vóru eftir, tá innskifti Adrian Justinussen skeyt horna úr høgru. Inni í málteiginum leyp Gunnar Vatnhamar hægri enn kekkiski liðskiparin Tomáš Souček og skallaði bóltin í netið til 1-1.

 - Hann bombar hann inn fyri, og eg skal bara seta pannuna á. Kenslan var sjálvandi fantastisk í løtuni, men tað er bara ræðuliga keðiligt beint nú, segði málskjúttin.

Frøin var sjálvsagt stór, tí nú hómaðist javnleikurin ímóti kekkum, sum í níggju dystum høvdu vunnið samanlagt 23-0 ímóti Føroyum. So skuldi kortini ikki vera.

Bert tveir minuttir seinni spældu kekkar seg fram í vinstru síðu, og tá bólturin kom hart innfyri, var Patrik Schick eins klárur og hann var fyri steðgin, tá hann legði Kekkia framum fyrru ferð.

 

Gott liðavrik

Føroyingarnir máttu tískil taka til takkar við teprum tapi, men avrikið var gott, hóast eydnan eisini var við viðhvørt.

 - Sjálvandi kann mann brúka tað til okkurt, segði Eyðun Klakstein beint eftir dystin. 

 - Vit spæla ein fínan dyst ímóti Kekkia. Vit koma afturíaftur, skora mál og eru líka við. Eg hevði sjálvandi heldur vilja fingið javnleikin, men soleiðis endaði tað nú einaferð, og í minsta lagi kunnu vit siga, at vit fingu tað fyrsta málið ímóti Kekkia.

Føroyar hava nú spælt tríggjar ferðir við Eyðuni Klakstein og Atla Gregersen á odda. Fyrsti dysturin endaði við sigri á Albania, og hinir báðir við eittmáls-tapum ímóti Norðurmakedónia og Kekkia.

Týskvøldið tekur Montenegro ímóti, og við farnu avrikunum í huga, kunnu føroysk fótbóltsviðhaldsfólk loyva sær at vóna og trúgva upp á stig.

 

Malsovicka Arena, Hradec Kralove (HM-undankapping, 1. umfar)

Kekkia - Føroyar, 2-1 (1-0)

1-0 Patrik Schick, 25 min.
1-1 Gunnar Vatnhamar, 83. min.
2-1 Patrik Schick, 85 min.

 

Er kopiera
Nýggjastu sendingar í ÚV
Sunnudag 18. mai
Bolero
192020
Sunnudag 18. mai
Guðstænasta í Leirvíkar kirkju
192015
Sunnudag 18. mai
Kallið: "Tað bar á mál".
191902
Leygardag 17. mai
Jambalaja - 170525
191991
Leygardag 17. mai
Upp á tá - 160525
191988
Nýggjastu sendingar í SV
Sunnudag 18. mai
Andakt
192017
Sunnudag 18. mai
Guðstænasta úr Leirvíkar kirkju
192018
Sunnudag 18. mai
FM í estetiskum fimleiki 2025
192023
Fríggjadag 16. mai
KAKUMiKS (7:7)
191925
Fríggjadag 16. mai
Guðstænasta úr Havnar kirkju
191959