Kimaðu við kirkjuklokku á miðjari nátt

Húsvørðurin í Johanneskirkjuni í Bergen noyddist undan dýnuni í nátt, tí ungfólk, sum helst vóru ávirkað av rúsdrekka, vóru farin inn í kirkjuna og kimaðu við kirkjuklokkuni. 

Klokkan kimaði í slakan tíma, áðrenn húsavørðurin kom á staðið og sløkti kimingina, sigur vaktleiðarin hjá løgregluni í Bergen, Dan Erik Johannessen, við Bergens Tidende.

Hann heldur, at nógvir grannar eru vaknaðir av hesum. 

Umvælingararbeiði er í gongd, og byggipallur var kring kirkjuna, sum er í miðbýnum í Bergen, og ungdómurin er sloppin inn í kirkjuna við at klíva upp á pallarnar.

Seks fólk ringdu til løgregluna og boðaðu frá ganginum, skrivar NRK.