Einki eldraráð í Havn í hesum valskeiðnum

Einki eldraráð er í Tórshavnar kommunu í hesum valskeiðinum, sum byrjaði á nýggjárinum. 

Valið skuldi annars vera 11. oktober í fjør.

Men bara trý fólk stillaðu upp. Veljast skuldu fimm.

Valið var av ongum.  

Endurskoða leistin

Býráðið samtykti 19. september í fjør at endurskoða leistin hjá eldraráðnum, áðrenn nýtt val verður.

Kristianna Winther Poulsen, sum er forkvinna í heilsu- og eldranevndini hjá býráðnum, sigur, at arbeitt verður við málinum.

Tað arbeiðið verður væntandi liðugt í mai.

Eldraráðið kom í 2006. Endamálið hjá eldraráðnum er at ráðgeva býráðnum um eldrapolitikk.