Øll serfrøði skal við

Rættarnevndin hjá løgtinginum mælir landsstýrismanninum í lógarmálum til at taka alla serfrøði í Føroyum við í arbeiðið, nú føroysk revsilóg skal gerast.

Vitanin, sum er komin í Føroyum um ymisk øki í revsilógini, skal brúkast.

Serkøn skulu eisini brúkast viðvíkjandi sjálvum løgfrøðiliga arbeiðinum.

Tað hevur somuleiðis týdning, tá broytingar vera gjørdar í revsilógini, at peningur verður settur av til upplýsing, sigur rættarnevndin.

Føroyar yvirtóku revsirættin í 2009.

Revsilógin, hon er 306 greinar, er nú týdd til føroyskt, og arbeiðið at gera føroyska revsilóg er byrjað.