Arbeiðsgevarar: Kappingarførið í vinnuni er í vanda

Kappingarførið hjá føroysku vinnuni er í vanda.  

Føroya arbeiðsgevarafelag rópar varskó og krevur broytingar, so vaksandi umsitingarligar byrðar og hækkað gjøld ikki gera, at vinnan missir kappingarførið.

Seinastu árini eru nýggjar rættarreglur, sum áleggja føroyskum fyritøkum nýggjar byrðar, øktar í vavi og upphæddum, sigur arbeiðsgevarafelagið. 

Í ES hava tey ásannað, at neyðugt er at leggja á annan bógv fyri at gera tað einfaldari og lættari at reka vinnu. 

Í Føroyum tykist ikki, sum myndugleikarnir hava varnast hesa gongdina, men halda fram við at seta í verk nýggja og umsitingartunga lóggávu, ofta úr ES.

Føroya arbeiðsgevarafelag mælir tí til at gera eina nýggja skipan fyri almenna lóggávu.

Og hon eigur at økja munandi um krøvini fyri at leggja størri byrðar á vinnulívið.