- Tíðindi, mentan og ítróttur
Samstarvsráðið hevur fund í Tinganesi
Samstarvsráðið hevur fund í Tinganesi
Umframt stjórnarleiðararnar í ríkisfelagsskapinum manna føroysk og grønlendsk landsstýrisfólk og danskir ráðharrar samstarvsráðið
Eftir óformliga ríkisfundin í Tindhólmi fyrrapartin í gjár, fóru stjórnarleiðararnir í ríkisfelagsskapinum ein túr út á Trælanípuna.
Mynd: Bjarni Árting Rubeksen
17.06.2025 - 11:49
Ríkisfundurin í Tindhólmi í gjár millum teir tríggjar stjórnarleiðararnar í ríkisfelagsskapinum var óformligur, men í dag er fundur í samstarvsráðnum, og har verða politiskar avgerðir tiknar.
Í samstarvsráðnum sita Mette Frederiksen, forsætisráðharri, Aksel V. Johannesen, løgmaður, og Jens-Frederik Nielsen, landsstýrisformaður í Grønlandi.
Harumframt eru danskir ráðharrar og føroysk og grønlendsk landsstýrisfólk í ráðnum.
Tíðindafundur um úrslitið av ríkisfundinum og fundinum í samstarvsráðnum verður klokkan 14.30, og tíðindafundurin verður stroymdur á heimasíðuni hjá KvF.
Myndir: Bjarni Árting Rubeksen:
Er kopiera
Nýggjastu sendingar í ÚV
Nýggjastu sendingar í SV
