Øll heystgýtandi sildin er fiskað

Øll heystgýtandi sildin er fiskað, sigur felagið Nótaskip.

Kvotan í ár var 11.750 tons, tað sama, sum hon hevur verið seinastu árini.

Í fjør ávirkaði verkfallið á arbeiðsmarknaðinum nógv fiskiskapin, tí ikki var gjørligt at landa í Føroyum, skriva Nótaskip. 

Í fjør vóru tí bara fiskað 3.600 tons av heystgýtandi sild.

Heystgýtandi sildin er fyri mesta á føroyska landgrunninum.

Norðhavssildin er størri stovnur, sum gýtir fram við norsku strondini, og ferðast rættiliga víða.