Kravgonga til frama fyri sivila fólkið í Gasa

Seinnapartin í dag skipaði Amnesty Føroyar fyri kravgongu til frama fyri sivila fólkið í Gasa.

Heitt var á landsstýrið um at røkja sínar altjóða skyldur um at gera sítt fyri at steðga fólkadrápinum á palestinar í Gasageiranum, sigur Amnesty í tíðindaskrivi.

Kravgongan byrjaði við Gundadalshøllina í Havn, har tað síðani varð gingið út í Tinganes og til endans til Speaker's Corner í miðbýnum.

Har hildu Hanus Kamban og Lív Maria Róadóttir Jæger røðu, Elin Brimheim Heinesen og Kári Sverrisson spældu nøkur løg, og Marjun Syderbø Kjælnes og Elin Brimheim Heinesen lósu yrkingar.

Amnesty heitti á fólk um at fara í okkurt reytt fyri at vísa, at vit draga eina felags linju um, at vit langt síðani eru farin um reyða markið. 

Birita Matras Petersen, tíðindafólk í Kringvarpinum, tók hesar myndirnar.
 

img_2082.jpg

img_2113.jpg

img_2069.jpg

img_2062.jpg

img_2083.jpg

img_2087.jpg

img_2078.jpg