MT Højgaard: Landsverk hevur ábyrgdina

Tað lekur framveigs í eyri og seyri í H-bygninginum hjá Landssjúkrahúsinum.

Tað staðfestir ein nýggj óheft sýn- og metingarfrágreiðing, sum Landsverk hevur biðið um.

Byggifyritøkan MT-Højgaard stóð fyri útvendiga arbeiðinum. Men tey sýta fyri at taka ábyrgd av trupulleikunum.

Vindeyguni eru eitt. Har sigur sýnsmaðurin, at tað lekur um vindeyguni á øllum síðum, og at valið av tilfari ikki er egnað til veðurlagið í Føroyum, og at handverkaraarbeiði ikki er nóg gott.

Men tað vil MT-Højgaard ikki taka ábyrgdina av. Landsverk hevur ábyrgdina.

MT Højgaard sigur seg hava gjørt tað arbeiðið, sum tey eru biðin um og ætla sær nú ikki at gera meira. Nú eigur Landsverk ábyrgdina, sigur stjórin.

Meira um hetta málið í Degi og viku kl. 19