Taks megnar ikki at hava eftirlit við russiskum skipum

Taks hevur hvørki førleikar ella orku til at hava veruligt eftirlit við russiskum skipum, sum koma hendan vegin, tað sigur Eyðun Mørkøre, stjóri í Taks.

Hoyr innslag í útvarpstíðindunum

Sjúrður Skaale, fólkatingslimur, hevur spurt danska løgmálaráðharran, Peter Hummelgaard, um danskir myndugleikar, herímillum løgreglan, eru varug við virksemið hjá skipunum, sum Murman Seafood eigur. 

Hann spurdi eisini, hvørji trygdareftirlit eru framd á skipini hjá Murman Seafood, tá tey hava verið í føroyskum sjógvi.

Men danski lógmálaráðharrin hevur ikki svarað enn, hóast freistin at svara var 27. juni.