Kringvarpið vísir eisini barnaróðurin á ólavsøku

Kringvarpið sendir eisini frá barnaróðrunum á ólavsøku. 

Sent verður frá finaluróðrinum hjá gentum klokkan 14.00, og frá dreingjaróðrinum klokkan 14:30.

Sent verður á stroyminum - á KVF 2.

Børnini rógva undir setanarhaldinum á Vaglinum, og tí ber ikki til at senda barnaróðurin beinleiğis í útvarpi ella sjónvarpi. Men til ber kortini at síggja og hoyra róðrarnar á netinum.

Gentumanningarnar eru so nógvar, at rógvast má í tveimum riðlum. Manningarnar eru í alt tjúgu, men bara helvtin verður í finaluróðrinum.

Dreingjamanningarnar eru fjúrtan, og teir rógva allir saman.

Í FM-kappingini er støðan tann, at Broddur úr Sumba er á odda hjá gentunum. Broddur hevur 33 stig. Firvaldur av Tvøroyri og Svalan úr Vági hava 30 stig hvør. Suðuroyarbátarnir hava tí staðið seg best hjá gentunum.

Hjá dreingjunum er Havørnin úr Sandavági fremst við 32 stigum. Fiskurin úr Vági og Tekla úr Klaksvík hava 30 stig hvør.

Børnini rógva 500 metrar.