KÍ skal møguliga til Madrid

Lutakast hevur verið í Nyon í Sveis í dag. Tað er til sonevndu “Play-off” dystirnar í Conference League kappingini, har bæði KÍ og Víkingur eru við enn. KÍ skal møguliga møta spanska høvðusstaðarliðnum Rayo Vallecano, meðan Víkingur sannlíkt skal til Dublin.

KÍ spælir í annaðkvøld klokkan 19.45 móti hvítarussiska FC Neman Grodno á Tórsvølli. Vinnarin av uppgerðini skal møta spanska høvðusstaðarliðnum Rayo Vallecano um at  koma í deildarspælið. Hetta má metast sum eitt spennandi lutakast, men ítróttarliga er talan um nummar 8 í La Liga farna kappingarári.

Hinvegin, so er hetta bara aðru ferð at spanska felagið hevur vunnið seg í Evropa. Seinast var í kappingarárinum 2000/2001. Rayo Vallecano er eitt lutfalsliga lítið felag í Spania, sum vanliga stríðist fyri upp- og niðurflyting millum bestu og næstbestu deildina.

Víkingur spælir sín fyrra dyst í 3. undanumfarinum, sum er ímóti Linfield FC, hóskvøldið. Vinnarin av hesi uppgerðini skal møta taparanum av uppgerðini millum kroatiska HNK Riejka og írska Shelborune FC. Her er HNK Riejka rímiligur favorittur at vinna, so sannlíkt verður tað ein túrur ti Dublin at spæla um eitt pláss í deildarspælinum í Conference League.