Klaksvíkar kommuna visti einki um nakran sandvøll til flogbólt

Tað er Oyggjaleikanevndin, sum hevur skapt ein trupulleika. 

Tað sigur Flogbóltsambandið í tíðindaskrivi til miðlarnar seinnapartin. 

Í útvarpinum á døgurða segði Teitur Samuelsen, formaður í Oyggjaleikanevndini, at orsøkin til, at manm hevur flutt flogbóltin úr Klaksvík til Giljanesar og Kambsdal er, at tað var eitt krav frá Flogbóltsambandinum. 

Tað er ikki heilt so, sigur Flogbóltssambandið - men tey høvdu sett sum krav, at sandvøllir skuldu vera har, sum flogbólturin skuldi vera, so Oyggjaleikirnir kundu gerast grundalag undir at byrja sandflogbólt í Føroyum.

Hetta høvdu tey gjørt kommunnum greitt, men bert Vága- og Fuglafjarðar kommuna vendu aftur, sigur Flogbóltsambandið.

Í Klaksvík siga tey seg einki hava frætt um hetta.

- Vit fingu tað at vita, tá avgerðin longu var tikin, at flogbólturin ikki skuldi vera í Klaksvík á Oyggjaleikunum í 2027, sigur Karl Johansen, borgarstjóri í Klaksvíkar kommunu.

Hoyr innslag á nátturða her: