Týðandi KÍ-sigur í oddastríðnum

Við tveimum málum fyri steðgin tryggjaði KÍ sær øll stigini í oddadystinun ímóti NSÍ í bestu fótbóltsdeildini við kvinnum.

Tóra Mohr og Silja Ernstsdóttir skutu málini hjá gestunum, sum nú hava lagt seg trý stig framum NSÍ í stríðnum um meistaraheitið.

Talan var um triðja umfar í ovara endaspælinum, har KÍ og NSÍ frammanundan høvdu vunnið sínar dystir ímóti HB og Víkingi.

Júst tey bæði liðini spældu eisini í Sarpugerði í dag. Tann dystin vann HB 3-2.

KÍ er fremst við 45 stigum, NSÍ er á 2. plássi við 42 stigum, HB er nummar trý við 34 stigum, og Víkingur er nummar fýra við 28 stigum. 

Seks dystir eru eftir at spæla.