Álopið á Gasa bý fær heimssamfelagið at ressast

Ísraelska ætlanin at taka valdið í Gasa býi fær heimssamfelagið at ressast.

Ísrael fór í gjár undir umstríddu atgerðirnar at Gasa býi, ísraelsk herfólk standa uttan fyri býin, og tjøld verða sett upp í syðra parti av Gasageiranum, sum skulu hýsa palestinum, sum verða riknir úr býnum.

Útivið 60.000 eykahermenn verða kallaðir inn fyrst í septembur.

Petur Petersen, sendimaður í Ísrael

Petur Petersen, føroyskur sendimaður í Ísrael.

Krevur vápnahvíld alt fyri eitt

ST-aðalskrivarin, Antonio Guterres, kravdi í nátt vápnahvíld í Gasa alt fyri eitt, eftir at Ísrael í gjárkvøldið boðaði frá hørðum álopum at taka valdið á Gaza býi, skrivar norska kringvarpið.

Guterres segði sambært Reuters, at vápnahvíld er neyðug, um sleppast skal undan tí deyða og oyðing, sum álopini fara at hava við sær.

Støðan merkist eisini væl í Ísrael, sigur sendimaður Føroya, Petur Petersen.

- Fólk vilja hava gíslarnar heim, men stúra fyri, at nýggja álopið fer at kosta seinastu gíslunum lívið, sigur Petur Petersen, sendimaður í Tel Aviv: