Netanyahu vil samráðast um gíslar

Netanyahu vil samráðast um gíslar
Samráðingarnar fara eisini at snúgva seg um at enda kríggið við treytum, sum eru "góðkendar av Ísrael," sigur ísraelski forsætisráðharrin
Benjamin Netanyahu, forsætisráðharri í Ìsrael.
Mynd: AFP/Ritzau Scanpix  
 
22.08.2025 - 09:09

Ísraelski forsætisráðharrin, Benjamin Netanyahu, hevur givið boð um at fara undir samráðingar um, at gíslarnir í Gasa verða latnir leysir alt fyri eitt.

Samráðingarnar fara eisini at snúgva seg um at enda kríggið við treytum, sum eru "góðkendar av Ísrael".

Tað upplýsir tíðindastovan Reuters.

Sambært ísraelska miðlinum Haaretz hevur Netanyahu eisini sagt, at hann góðtekur ætlanirnar hjá ísraelska herinum um at "yvirtaka Gasa bý fyri at vinna á Hamas".

- Hesi bæði viðurskiftini, at vinna á Hamas og at fáa allar okkara gíslar heim aftur, ganga hond í hond, sigur forsætisráðharrin.

Fyrr í vikuni segði Basem Naim, leiðandi umboð fyri Hamas, at Hamas hevði samtykt eitt uppskot um vápnahvíld. Men nágreiniliga innihaldið í uppskotinum var ikki lýst greitt.

 

Búsetingar á Vestara áarbakka

Ísraelska stjórnin máar støðið undan møguleikanum fyri at Ísrael og Palestina vera hvør sín statur við at góðkenna nýggjar búsetingar á hersettta Vestara áarbakka.

Tað er boðskapurin í felags yvirlýsing frá 22 londum, harímillum Danmark, Fraklandi, Bretlandi og Kanada, skrivar Ritzau.

Londini fordøma avgerðina sum "óhóskandi og brot á altjóðarætt".

Niðursetuverkætlanin hjá Ísrael, sum fevnir um fleiri enn 3.000 nýggj heim í hersetta økinum, E1, hevur verið í bíðistøðu í áravís av ísraelsku stjórnini orsakað av altjóða trýsti.

 

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Guðstænasta út Gøtu kirkju
216780
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Nýggjastu sendingar í SV
Sunnudag 22. november
Andaktin
216792
Sunnudag 22. november
Guðstænasta úr Gøtu kirkju
216793
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688