Géza Dávid Turi varpaði United út úr EFL-steypakappingini

Fyrrverandi Víkinga-leikarin, Géza Dávid Turi, sum í dag spælir við enska felagnum Grimsby í fjórðbestu deildini, rakk í kvøld ein stóran markastein á sínari yrkisleið. 

Grimsby hevði fingið heiðurin at spæla móti mæta Manchester United á heimavølli í minnu av tveimum enskum steypakappingunum, EFL-steypakappingini. 

Géza Dávid Turi byrjaði á bonkinum, men lið hansara var greitt oman á í stórum pørtum av dystinum. 

Tá farið var til hálvleiks var støðan 2-0 til heimaliðið. 

Føroyski landsliðsmiðvallarin kom á vøllin í 64. minutti, og stóð seg væl.

Grimsby skoraði til 3-0 í øðrum hálvleiki, men málið varð kolldømt. 

Grimsby Town

Brotssparkskapping

At enda vaknaði Manchester United og fekk javnað til 2-2, og so skuldi dysturin avgerðast við brotsspørkum. 

Og tá tað dróg út at fáa avgjørt dystin, endaði tað við, at Géza Dávid Turi eisini skuldi skjóta.

Géza var ivaleysur og setti bóltin trygt í netið aftanfyri Onana í United-málinum. 

Endin varð, at Grimsby, langt um leingið, vann brotssparkskappingina 12-11 og fer víðari í EFL-steypakappingini. 

Sí hagtøl frá dystinum HER. 

Víkingur var eisini skjótur at ynkja sínum fyrrverandi leikara tillukku við avrikinum. 

HER ERU BESTU BITARNIR ÚR DYSTINUM: