Mattias fær kjansin í málinum

Mattias H. Lamhauge byrjar inni í føroyska málinum ímóti Kroatia ístaðin fyri Bárð á Reynatrøð, sum má finna seg í plássi á beinkinum.

Gezá Dávid Turi, sum framvegis bíðar eftir sínum fyrstu landsliðsminuttum, má bíða eitt sindur afturat, tí Brandur H. Olsen og Jákup B. Andreasen byrja inni á sentrala miðvøllinum.

Sannlíkt er kortini, at Grimsby-miðvallarin verður skiftur inn hesa ferð.

Fremsti maður verður Meinhard E. Olsen.

Føroyska liðið: Mattias Lamhauge; Jóannes Kalsø Danielsen, Odmar Færø, Andrias Edmundsson, Gunnar Vatnhamar, Viljormur Davidsen (L); Árni Frederiksberg, Brandur Hendriksson Olsen, Jákup Biskopstø Andreasen, Hanus Sørensen; Meinhard Egilsson Olsen. 

Á beinkinum eru Bárður á Reynatrøð, Bjarti Vitalis Mørk, Samuel Chukwudi, Martin Agnarsson, Jann Benjaminsen, Noah Mneney, Geza David Turi, Adrian Justinussen, Poul Kallsberg, Jóannes Bjartalíð, Páll Andrasson Klettskarð og Jóan Símun Edmundsson.