SEV byggir eina battaríhøll aftrat á Sundi

 Neyðugt er at gera stórar íløgur í battarískipan og synkronkompensatorar, so at vit kunnu gerast hundrað prosent grøn fleiri dagar um árið.

Tað sigur Hákun Djurhuus, stjóri í SEV. 

Í dag hevur SEV skrivað undir sáttmála við byggifelagið Articon, um at byggja eina høll á Sundi, sum er 86 metrar long og góðar 14 metrar breið. Hon skal hýsa einum stórum battaríi og synkronkompensatori. Talan er um eina battaríhøll, sum kemur aftrat høllini, sum var tikin í nýtslu á Sundi í 2023.

Hákun Djurhuus

Hákun Djurhuus.

Kostnaðurin verður meira enn 100 miliónir kr. 

Royndirnar í Suðuroynni við battarískipanini hava verið góðar, og nú verður tað sama gjørt norðanfyri við at byggja fleiri bataríhallir um landið.

Hoyr innslag í útvarpstíðindunum: 

Høllin á Sundi skal vera liðug umleið 1. juni næsta ár.