Gevst sum forkvinna í MEGD

Ruth Thomsen, sum varð vald til forkvinnu í MEGD á ársaðalfundinum í vár, hevur av persónligum orsøkum avgjørt at leggja frá sær sum forkvinna.

Ása Olsen, sum varð vald til næstforkvinnu í MEGD, tekur við sum forkvinna til næsta ársaðalfund, sum verður fyrst í komandi ári.

MEGD skrivar, at Ruth Thomsen setti sum fortreyt, tá hon í vár tók við forkvinnusessinum í MEGD, at hon skuldi vera forkvinna í Blindafelagnum, samstundis sum hon var forkvinna í MEGD. 

Men hetta hevur víst seg at vera ov krevjandi, og ikki ber til at vera forkvinna í báðum feløgum samstundis.

Ruth Thomsen heldur fram sum forkvinna í Blindafelagnum.