Russisk herskip tætt við Danmark

Lítið hevur verið at frætta frá øllum tíðindafundunum, sum hava verið í sambandi við, at fyrst flogvøllurin í Kastrup, siðani flogvøllurin í Aalborg og so aftur onnur støð - harímillum hernaðarstøðir - í Danmark hava verið órógvað av stórum dronum.

Myndugleikarnir hava sagt, at teir hvørki vita, hvaðani dronurnar eru komnar ella hvagar tær eru farnar, tá tær eru horvnar aftur. Men danska Ekstrablaðið góðtók ikki frágreiðina. Tey leigaðu eina tyrlu, so tey kundu hyggja eftir, um nakað illgrunasamt sást í donskum sjóøki. Tað eydnaðist. Millum oyggjarnar Langeland og Lolland funnu tey russiska herskipið Aleksandr Shabalin, sum heldur seg beint uttan fyri danska sjóumveldið.

Sambært danska Ekstrablaðnum, so hevur russika skipið verið í økinum í fleiri dagar.

Les greinina í Ekstrablaðnum her