Brúka 83 milliónir minni til íløgur næsta ár

Fíggjarlógin næsta ár fer at hava 173 milliónir kr. í halli.

Tað metir landsstýrið.

Tá játtanarkarmarnir, sum eru grundarlagið undir fíggjarlógini, vóru í tinginum í var, var sagt, at hallið fór at verða 252 milliónir krónur, men nú sigur Ruth Vang, landsstýriskvinna í fíggjarmálum, at hallið verður 173 milliónir krónur.

Landsstýrið sparir millum annað við at nýta færri pengar til íløgur.

Íløgurnar næsta ár vera 567 milliónir krónur. Tað eru 83 milliónir krónur minni enn íløgukarmurin í vár, sum var 650 milliónir.

Á summum økjum verður peningur, sum er støðlaður til íløgur, heldur ikki brúktur næsta ár.

Inntøkurnar frá alivinnuni verða nógv minni enn mett, 180 milliónir kr., men landsstýrisfólkini spara tilsamans 55 millónir á sinum málsøkjum. 

Hoyr innslag og samrøðu við Ruth Vang, landsstýriskvinnu, í útvarpstíðindunum: 

Hoyr samrøðu, sum John Johannessen gjørdi við Bárð á Steig Nielsen, formann í Sambandsflokkinum, um fíggjarlógaruppskotið:

Bárður á Steig Nielsen, Ingilín D. Strøm

Frítekst tagging: 

Bárður á Steig Nielsen

Ingilín D. Strøm

Bjarni Árting Rubeksen

Bárður á Steig Nielsen.
 

Fíggjarlógaruppskotið kemur til fyrstu viðgerð í tinginum hósdagin.