Dronur stongt flogvøllin í München: 3.000 ferðafólk strandað

Í gjárkvøldið noyddist ein av størstu floghavnunum í Evropa, München Airport, at lata aftur, tí dronur vóru sæddar í loftrúminum uppi yvir floghavnini. 

Hetta boðaði floghavnin frá í tíðindaskrivi. 

Í fráboðanini frá München Airport stendur, at týski loftferðslumyndugleikin, DFS, klokkan 21.18 í gjárkvøldið hevði sett forboð fyri allari flúgving, eftir at fleiri dronur vóru sæddar uppi yvir floghavnini. 

Tað hevði við sær, at 17 flogfør ikki sluppu avstað, meðan 15 flogfør, ið skuldu lenda í München, blivu víst til Stuttgart, Nürnberg, Wien og Frankfurt. 

Útvið 3.000 ferðfólk eru ávirkað av støðuni, tí tey sleppa ikki avstað, upplýsir floghavnin. Feltsengur er settar upp til ferðafólkini, sum eisini hava fingið teppur, drekkilsi og munnbitar. 

Sambært DR, so sær ikki út til, at støðan fer at ávirkar flogferðsluna í morginári. Sum støðan er í løtuni, so verða allar fráferðir sum ætlað.