Airbus er farið fram um Boeing

Evropiska flogverksmiðjan Airbus kundi í gjár breggja sær av, sambært Reuters, at A320-flogfarið hjá felagnum er farið fram um Boeing 737 sum mest avhendaða flogfar í søguni.

Amerikanska Boeing hevur havt metið í fleiri áratíggju, men missir tað, nú Airbus avhendir eitt A320neo-flogfar til saudiarabiska felagið Flynas.

12.260 flogfør eru avhendað í A320-røðini, síðani hon kom á marknaðin í 1988, upplýsir greiningarfelagið Cirium.

Ein av orsøkunum til, at tað hevur eydnast Airbus at koma fram um Boeing, er, at búskaparvøksturin í Asia hevur havt við sær, at ferðafólkatalið er vaksið, og tí er eftirspurningurin eftir flogførum eisini vaksin, skrivar Reuters.