Føroyar skarvslop upp eftir styrkilistanum

Sigrarnir hjá føroyska manslandsliðnum í fótbólti á Montenegro og Kekkia síggjast nú aftur á nýggjastu útgávuni av FIFA-styrkilistanum.

Føroyar eru nevniliga farnar níggju pláss fram á listanum frá nummar 136 til 127. Eingin á listanum er farin fleiri pláss fram hesa ferð.

Føroyska manslandsliðið er eisini tað, sum hevur vunnið mest stig í hesum umfarinum. 37.95 stig vóru góðu úrslitini verd.

Føroyar vunnu teimum flestu kunnugt 4-0 á Montenegro og 2-1 á Kekkia á Tórsvølli í síðstu viku, sum mann teljast millum bestu vikurnar hjá manslandsliðnum yvirhøvur.