Kredittmetingin hjá Frakland lækkar

S&P sigur í fráboðan, at hóast fíggjarlógaruppskotið er lagt fram í hesi vikuni, er vandi framvegis á ferð.

Franski forsetin Emmanuel Macron roynir at fremja stórar skerjingar í almennu útreiðslunum, men flokkurin hjá honum og stuðulsflokkarnir hava ikki meiriluta í tjóðartinginum. Forsætisráðharrin Sébastien Lecornu slakaði í hesi vikuni í spurninginum um umstríddu pensjónsnýskipanina, sum hevði hækkað almenna pensjónsaldurin úr 62 upp í 64 ár.

- Hóast vit meta, at samlaða fíggjarlógarmálið við 5,4 prosentum í halli verður rokkið, meta vit, at uttan týðandi tiltøk at minka hallið, fer tað at taka longri tíð at styrkja fíggjarlógina enn áður hildið, sigur S&P.

Roland Lescure, fíggjarmálaráðharri, svarar fráboðanini hjá S&P við at binda seg til 5,4 prosent markið, og sigur, at stjórnin og tjóðartingið nú hava felags ábyrgd av at tryggja eina fíggjarætlan sum samsvarar við málið.