Elin á Rógvi fingið barnamentanarheiðursløn Tórshavnar býráðs 

Í sínari grundgeving, fyri at lata Elin á Rógvi barnamentanarheiðursløn Tórshavnar býráðs fyri "Fornt", skrivar dómsnevndin:

"Fornt" er ein livandi nútíðarlýsing av barnalívinum. Ein spenningssøga, sum gongur fyri seg í veruleikanum og í tykisheiminum, og karmurin er telduspælið við sama navni, "Fornt".

Heitið sipar til fornu sagnirnar, men speglar eisini navnið á telduspæli, sum nógv í Føroyum kenna. "Fornt" dregur og lokkar, eins og nykurin gjørdi fyrr. Sagnirnar gerast livandi, har børnini varnast ella jagstra.

Elin á Rógvi, Virðisløn M.A. Jacobsens 2025

Frítekst tagging: 

elin á rógvi

Virðisløn M.A. Jacobsens 2025

Bjarni Árting Rubeksen

Trupulleikin við skíggjum, ið eru stóra marran hjá foreldrum, verður væl lýstur. Høvundurin setir seg í støðuna hjá børnunum og teimum ungu, og samstundis fáa foreldrini eitt innlit, sum gevur teimum møguleika at skilja hesa ókendu verðina.

Við sagnverum í nútímans telduspæli byggir "Fornt" brúgv ímillum fortíð og nútíð. Kanska brúgvin fer at røkka inn í framtíðina, nú telduspælið er á føroyskum og gongur fyri seg í Føroyum.

Høvundurin leggur upp til at brúka føroyska umhvørvið og at samskifta á føroyskum.

"Fornt" er væl skrivað, og Elin megnar við einum livandi máli at byggja upp ein spenning, sum heldur fast í lesaran – til síðsta punktum. 

Fornt permumynd