- Tíðindi, mentan og ítróttur
Herborg Torkilsdóttir við sorgblíðum endurútgávum
Herborg Torkilsdóttir við sorgblíðum endurútgávum
Í studio 5 hesa ferð hoyra vit tríggjar endurútgávur. "Dengang da jeg var lille" hjá Kim Larsen, "Lívið" hjá Nicolinu av Kamarinum og "Så længe jeg lever" hjá John Mogensen

Mynd: Bjarni Árting Rubeksen
14.11.2025 - 11:29
- Mær hevur altíð dámað væl bæði John Mogensen og Kim Larsen, sigur Herborg Torkilsdóttir. Ikki minst tekstirnir eru góðir, leggur hon aftrat.
Nú koma fimm sangir í akustiskum útgávum.
"Så længe jeg lever" verður ofta sungin í veitsluhøpi, men í veruleikanum er hetta ein rættiliga vakur og sorgblíður sangur, vísir Herborg á.
Eitt annað, ið hugtekur hana við teirra sangum, er skemt og tað gerandisliga. Nakað, ið eisini sæst aftur í sangunum hjá Herborg.
Myndir: Bjarni Árting Rubeksen
Hon hevur spælt fleiri konsertir í Danmark og verður eisini spæld javnan í donskum útvarpi.
Eitt nú hevur útvarpsverturin Jørgen DeMylius, ið fólk eisini kenna frá Plátubarrini, veruliga tikið hennara sangir til sín.
Herborg sigur, at hon ikki hevur tær stóru ambitiónirnar í Danmark, men tað er ein hugnaligur partur av hennara tónleikaliga virksemi.
Við hesum tulkingunum rakar føroyski sangfuglurin væl sínar donsku fjepparar.
Sí videobrot av framførsluni í studio 5:
20251114_NET_BEINLEIDIS_UR_STUDIO_5_HERBORG_TORKILSDOTTIR_LONG
Rakul Petersen er eisini við í studio 5. Hon er framúr gittaristur og syngur somuleiðis kór.
- Rakul dugir væl at hála meg niður aftur, tá eg havi hug at fara á flog, sigur Herborg.
- Tað var serliga í fyrstuni, at tað onkuntíð var brúk fyri tí, sigur Rakul brosandi.
Hvat: Beinleiðis úr Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð
Hesa ferð: Herborg Torkilsdóttir
1776331
Nýggjastu sendingar í ÚV
Nýggjastu sendingar í SV



























